ወተንሥአ እግዚአብሔር ከመ ዘንቃህ እምንዋም
ወከመ ኃያል ወኅዳገ ወይን ወቀተለ ፀሮ በድኅሬሁ። |
ዛቲ ዕለተ እንተ ገብረ እግዚአብሔር
ንትፈሣሕ ወንትሐሠይ ባቲ ኦ እግዚኦ አድኅንሶ። |
ይትነሣእ እግዚአብሔር ወይዘረዉ ፀሩ
ወይጕየዩ ጸላዕቱ እምቅድመ ገጹ ከመ የሐልቅ ጢስ ከማሁ የሐልቁ። |
እምሥራቀ ፀሐይ እስከነ ዓረብ
ይትአኰት ስሙ ለእግዚአብሔር ልዑል እግዚአብሔር መልዕልተ ኵሉ አሕዛብ። |
ይእዜ እትነሣእ ይቤ እግዚአብሔር
እሬሲ መድኃኒተ ወአግህድ ቦቱ ቃለ እግዚአብሔር ቃል ንጹሕ። |
አንሰ ሰከብኩ ወኖምኩ
ወተንሣእኩ እስመ እግዚአብሔር አንሥአኒ ኢይፈርህ እምአዕላፍ አሕዛብ። |
በልዑ ወጸግቡ ጥቀ
ወወሀቦሙ ለፍትወቶሙ ወኢያኅጥኦሙ እምዘ ፈቀዱ፡፡ |
እስመ ሰበረ ኆኃተ ብርት
ወቀጥቀጠ መናሥግተ ዘኀፂን ወተወክፎሙ እምፍኖተ ጌጋዮሙ። |
ዐርገ እግዚአብሔር በይባቤ
ወእግዚእነ በቃለ ቀርን ዘምሩ ለአምላክነ ዘምሩ። |
ዐረገ ውስተ ዓርያም ፄዊወከ ፄዋ
ወወሀብከ ጸጋከ ለእጓለ እመሕያው እስመ ይክህዱ ከመ ይኅድሩ። |
ልበ ንጹሐ ፍጥር ሊተ እግዚኦ
መንፈሰ ርቱዐ ሐድስ ውስተ ከርሥየ ኢትግድፈኒ እምቅድመ ገጽከ። |
ኢትግድፈኒ እምቅድመ ገጽከ
ወመንፈሰከ ቅዱሰ ኢታውጽእ እምላዕሌየ ዕሥየኒ ፍሥሓ ወአድኅኖተከ። |